Япония автомобил ишлаб чиқарувчи компанияси Mazda 6 нинг вориси бўлмиш янги Mazda EZ-6 электромобилини тақдим этди.

Mazda ва Changan ҳосиласи бўлган янги маҳсулот яхши қувват захираси ва кучли Sony акустикаси билан ажралиб туради.

Аutohome маълумотларига кўра, янги автомобил Mazdaдан дизайн ва шасси конфигурациясини ўзлаштирган бўлса, қолган барча хусусиятларни Changanдан мерос қилиб олган.

Электр автомобил кузови катта олд бампер ва чўзилган фаралар билан соддалаштирилган шаклга эга. Моделнинг ноодатий хусусиятларидан бири эшикларга ўрнатилган тутқичлардир.

Электрокарнинг узунлиги 4921 мм, кенглиги 1890 мм, баландлиги эса 1485 мм. Ғилдирак базасининг кенглиги ҳали аниқланмаган.

Электр станциясининг кучи ҳали эълон қилинмаган, аммо бир қувватланишда 600 км гача масофа босиб ўта олади. Асосий версия 215, юқори версияси эса 255 от кучига эга.

Электрокарнинг салонига 14,6 дюймли экран ўрнатилган бўлиб, борт тизимининг ишлаши учун Snapdragon 8155 процессори, атмосфера ёритгичи ва панорамали том масъул.

Бундан ташқари, компания 600 км гача тўхтамасдан юрадиган Mazda EZ-6 нинг гибрид модификациясини ҳам эълон қилди. Унинг характеристикалари ва нархи ҳали ошкор этилмаган, фақатгина қувват захираси маълум. Машинанинг иккала версияси ҳам йилнинг иккинчи ярмида сотувга чиқарилади.