Сунъий интеллект қанча одамни ишсиз қолдириши маълум бўлди
Генератив сунъий интеллект (СИ) тизимлари бутун дунё бўйлаб меҳнат бозорларига, 300 миллиондан зиёд иш ўринларига таъсир кўрсатиши мумкин. Goldman Sachs мутахассислари шундай хулосага келишди.
Компания тадқиқотчилари 300 миллионтагача иш ўрнини автоматлаштириши кутилаётган сунъий интеллект имкониятлари ҳамда АҚШ ва Европа меҳнат бозорлари маълумотларини таҳлил қилишди.
Ҳозиргача иш ўринларининг тахминан учдан икки қисми у ёки бу даражада СИ автоматлаштиришга учраганди, генератив СИ эса мавжуд ишчи кучларининг тўртдан бирининг ўрнини эгаллаши кутилмоқда.
АҚШда “оқ ёқалилар”, айниқса, юридик ходимлар ва маъмуриятда ишловчилар СИ туфайли қисқартиришга тушиши кутилмоқда. Бу Америкадаги жами ходимларнинг 7 фоизи ёки 11 миллион нафарни ташкил этади.
Goldman Sachs қўшимча қилишича, сунъий интеллектнинг кенг жорий этилиши ходимларнинг меҳнат ҳақига тўланаётган пулларни анчагина тежаш имконини беради.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter