Сиз STEM фанида илмий даража ёки PhD даражасига эга бўлишни ва ўрганишга иштиёқи бор аёл қизларданмисиз? Буюк Британиянинг етакчи университетларидан бирида фан, технология, муҳандислик ёки математика бўйича магистрлик дастури учун стипендия олишингиз мумкин.

Уч йилдан буён Британия Кенгаши Aмерика, Жанубий Осиё, Шарқий Осиё, Ғарбий Болқон, Марказий Осиё, Бразилия, Миср, Мексика ва Туркиядан аёлларни жалб қилиш учун Буюк Британиянинг 21 университети билан ҳамкорликда “Womаn in STEM” стипендияси дастурини йўлга қўйиб келмоқда.

STEM тажрибасига эга бўлган, молиявий ёрдамга муҳтожлиги бор ва аёлларнинг келажак авлодларини STEM карьерасини давом эттиришга илҳомлантирмоқчи бўлган аёллар доим керак.

Нима учун айнан бу стипендия дастури?

Ушбу стипендия дастури қизлар ва аёллар учун STEM имкониятларини кенгайтиришга қаратилган. БМТнинг Фан таълими ва маданияти ташкилоти (ЮНЕСКО) маълумотларига кўра, 2019 йилда дунё бўйлаб тадқиқотчиларнинг 30 фоиздан камроғини аёллар ташкил этган ва талабаларнинг атиги 30 фоизи олий таълимда STEM билан боғлиқ соҳаларни танлаган. Бироқ бу рақам аста-секин кучайиб бормоқда ва ҳозирда у 35 фоизни ташкил қилади.

2017-2018-йиллардаги фанлар бўйича тақсимот шуни кўрсатдики, STEM фанларини ўрганаётган аёллар сони компьютер фанлари, муҳандислик ва технология фанларига қараганда паст бўлган ва талабаларнинг 19 фоизи аёллар, 81 фоизи эркаклар эди. Физика ва математика фанлари статистикага мос равишда 39% ва 37% кучлироқ эди (уларнинг тенгдошлари мос равишда 61% ва 63% эди).

Қабул қилиш мезонлари

Aриза берувчилар қуйидаги мамлакатлардан магистрлик стипендияларига ариза топширишлари мумкин: Албания, Босния ва Герцеговина, Қозоғистон, Косово, Шимолий Македония, Черногория, Сербия, Ўзбекистон, Туркия, Aргентина, Бразилия, Колумбия, Куба, Ямайка, Мексика, Перу, Венесуэла ва Миср.

Ҳиндистон, Покистон, Бангладеш, Непал, Шри-Ланка, Камбоджа, Индонезия, Лаос, Малайзия, Мьянма, Филиппин, Таиланд ва Вьетнам аёллари магистрлик стипендиялари ва эрта академик стипендиялар олишлари мумкин.

Британия кенгаши қуйидаги аёл-қизларни изламоқда:

• 2023-2024 йилларнинг сентябрь/октябрь ойларида ўқув йили давомида Буюк Британияда ўқий оладиган;
• Молиявий ёрдамга муҳтож;
• Буюк Британия университетида олдиндан танлаб олинган аспирантура курсларидан бирига (магистратура даражаси учун) кириш имконини берадиган бакалавр даражасига эга бўлиш;
• Буюк Британия университетида аспирантура ёки тадқиқот учун талаб қилинадиган инглиз тили даражасига эга;
• соҳада фаол, иш тажрибасига эга ёки ўз фанига кучли қизиши бор;
• ўқиш курсига иштиёқ билан ёндаша оладиган ва унда Британия Кенгаши стипендияларининг битирувчилари сифатида қатнашишга тайёр.

Сиз Британия Кенгашининг аёллар STEM стипендиясига лойиқ деб топилмайсиз, агарда:

• икки томонлама Британия фуқаролигига эга;
• (*) Олий Ҳазрати Ҳукуматининг ходими, собиқ ходими ёки қариндоши (жумладан, Буюк Британия элчихоналари/Олий комиссиялари, Бизнес, энергетика ва саноат стратегияси департаменти, Халқаро савдо департаменти, Мудофаа вазирлиги ва Ички ишлар вазирлиги);
• Британия Кенгашининг STEM йўналишидаги аёллар учун стипендиялари ходими, собиқ ходими ёки қариндоши (*);

(*): Қариндошлар ота-она ёки ўгай ота-она, ака-ука ёки ўгай опа-сингиллар, болалар ёки ўгай ўғиллар, турмуш ўртоғи, фуқаролик шериги ёки турмуш қурмаган шерик (агар эр-хотин камида икки йил никоҳ ёки фуқаролик шериклигига ўхшаш муносабатларда бўлса).

• Ҳозирда ҳар қандай бошқа манбадан Буюк Британияда ўқиш дастури учун молиявий ёрдам ёки маблағ олаётган бўлсангиз;
• илгари Буюк Британия ҳукумати томонидан молиялаштириладиган стипендия ёки Британия таълим муассасасининг стипендияси ёки молиявий стипендияси асосида Буюк Британияда ўқиган бўлсангиз.

Aсосий афзалликлари

• Aкадемик нуфуз: Буюк Британия университетлари STEM фанлари бўйича жаҳон етакчилари қаторига киради;
• Иқтисодий ёрдамга ўқиш тўловлари, стипендиялар, саёҳат харажатлари, виза ва тиббий суғурта киради;
• Оналар учун махсус ёрдам;
• Инглиз тилини ўрганишда ёрдам.

Қандай қилиб ариза топшириш мумкин?

Aризалар бевосита бир нечта аризаларни сиз танлаган ва белгиланган университетларга топширишингиз мумкин.

Магистратура стипендияларига ариза топширишнинг охирги муддати – 2023 йил март ойи. Муддатлари муассасага қараб фарқ қилиши мумкин. Илтимос, умидсизликка тушмаслик учун танлаган муассасангиздаги муддатларни диққат билан текширинг.

Aриза топширишдан олдин барча мувофиқлик талабларини текшириб, тўлдирганингизга ишонч ҳосил қилинг. Aризангизни топширганингиздан сўнг сиз тўғридан-тўғри университетдан аризангизнинг ҳолати ҳақида маълумот оласиз.

Буюк Британия университетлари ҳақидаги тўлиқ маълумотларни жадвал асосида қуйидаги ҳавола орқали танишиб чиқишингиз мумкин:

https://www.britishcouncil.uz/en/study-uk/scholarship-women-stem