Android учун Youtube ReVanced иловасининг бета версияси ишлаб чиқилди. Улар Youtube учун машҳур Vanced альтернатив мижозини ишлаб чиқиш жараёнини мустақил равишда давом эттирдилар.

Бепул Youtube ReVanced иловаси ёрдамида Youtube видеоларини рекламасиз томоша қилиш мумкин. У контентни кичрайтирилган ҳолатда ва «тасвир ичида тасвир» режимида қўллаб-қувватлайди, AMOLED интерфейси дизайни мавжуд.

Youtube ReVanced’нинг жорий lite версияси root  ҳуқуқини талаб қилмайди ва YouTube Music модификациясини қўллаб-қувватлайди. Шуниси эътиборга лойиқки, ReVanced патчлари YouTube иловасининг мобиль версиясига ўрнатилиши мумкин.

13 март куни YouTube Vanced ишлаб чиқувчилари лойиҳани ишлаб чиқиш тўхтатилганини эълон қилишди. Улар энди YouTube учун машҳур муқобил мижозни қўллаб-қувватламайди ва у учун янгиланишларни чиқаришни тўхтатади. Муқобил сифатида ишлаб чиқувчилар YouTube Premium обунасини тавсия қилишди.

Ҳозирда YouTube Vanced’га муқобил - NewPipe иловаси мавжуд.