Xabaringiz bor, joriy yilning 24-27-oktyabr kunlari Samarqand shahridagi “Silk road Samarqand” yangi xalqaro turizm markazi hududida yilning asosiy tadbirlaridan biri – “ICTWEEK Uzbekistan 2022” – axborot-kommunikatsiya texnologiyalari haftaligi bo‘lib o‘tdi.

Axborot-kommunikatsiya texnologiyalari, axborot xavfsizligi va dasturiy ta’minot bozorini rivojlantirishni yanada rag‘batlantirish hamda O‘zbekistonni axborot texnologiyalari sohasidagi mintaqaviy markaz – IT-xabga aylantirish maqsadida tashkil etilgan “ICTWEEK Uzbekistan” axborot-kommunikatsiya texnologiyalari haftaligi doirasida:

- "ICTWEEK Uzbekistan" sammiti;

- "Digital Eurasia" xalqaro forumi;

- "Raqamli iqtisodiyot: Rivojlanishning asosiy yo‘nalishlari va huquqiy tartibga solish muammolari" seminari;

- "Aqlli va xavfsiz shaharlar: eng yaxshi amaliyotlar va yechimlar" xalqaro raqamli rivojlanish seminari;

- "Ta’lim sohasining raqamli transformatsiyasi uchun platformalar" xalqaro raqamli rivojlanish seminari;

- Turkiy davlat texnoparklarining panel muhokamasi;

- "Raqamli hukumat siyosatining asoslari" mavzusidagi imkoniyatlarni kengaytirish seminari;

- "IT Education" forumi;

- BPO sammiti;

- Moliyaviy texnologiyalar (FINTECH) sohasining rivojlanish istiqbollari forumi;

- 58/28-qo‘shma majlisi: Aloqa sohasida mintaqaviy hamdo‘stlik aloqa ma’muriyati rahbarlari kengashi va unga a’zo davlatlarning axborotlashtirish bo‘yicha MHA huzuridagi muvofiqlashtiruvchi kengashi;

- MPA MDH – AShH ekspertlari kengashining 24-yig‘ilishi;

- CIO sammit;

- "Mintaqaviy trendlar va 2022-yilgi BMT ning elektron hukumat bo‘yicha tadqiqot natijalari" seminari;

- MDH mintaqasi uchun mintaqaviy rivojlanish forumi;

- Turkiy davlatlar tashkilotiga a’zo davlatlarning AKT sohasi uchun mas’ul bo‘lgan vazirlik idoralari rahbarlarining navbatdagi yig‘ilishi;

- "Markaziy Osiyo mamlakatlarida 1 GHzdan past radiochastota spektridan foydalanish istiqbollari" mavzusidagi sessiya;

- "Raqamli texnologiyalar va sun’iy intellektni rivojlanishining hozirgi holati va istiqbollari" respublika ilmiy-texnik konferensiyasi;

- "ICTEXPO" - O‘zbekiston axborot texnologiyalari ko‘rgazmasi;

- "IT Village" majmuasining ochilish marosimi

Va nihoyat mamlakatimiz mustaqilligining 31 yilligiga bag‘ishlab idoraviy tarmoq mukofotlariga sazovor bo‘lganlarni taqdirlash marosimi AKT haftaligiga yakun yasadi.