Хабарингиз бор, жорий йилнинг 24-27 октябрь кунлари Самарқанд шаҳридаги “Silk road Samarqand” янги халқаро туризм маркази ҳудудида йилнинг асосий тадбирларидан бири – “ICTWEEK Uzbekistan 2022” – ахборот-коммуникация технологиялари ҳафталиги бўлиб ўтди.

Ахборот-коммуникация технологиялари, ахборот хавфсизлиги ва дастурий таъминот бозорини ривожлантиришни янада рағбатлантириш ҳамда Ўзбекистонни ахборот технологиялари соҳасидаги минтақавий марказ – IТ-хабга айлантириш мақсадида ташкил этилган “ICTWEEK Uzbekistan” ахборот-коммуникация технологиялари ҳафталиги доирасида:

- "ICTWEEK Uzbekistan" саммити;

- "Digital Eurasia" халқаро форуми;

- "Рақамли иқтисодиёт: Ривожланишнинг асосий йўналишлари ва ҳуқуқий тартибга солиш муаммолари" семинари;

- "Ақлли ва хавфсиз шаҳарлар: энг яхши амалиётлар ва ечимлар" халқаро рақамли ривожланиш семинари;

- "Таълим соҳасининг рақамли трансформацияси учун платформалар" халқаро рақамли ривожланиш семинари;

- Туркий давлат технопаркларининг панел муҳокамаси;

- "Рақамли ҳукумат сиёсатининг асослари" мавзусидаги имкониятларни кенгайтириш семинари;

- "IT Education" форуми;

- BPO саммити;

- Молиявий технологиялар (FINTECH) соҳасининг ривожланиш истиқболлари форуми;

- 58/28-қўшма мажлиси: Алоқа соҳасида минтақавий ҳамдўстлик алоқа маъмурияти раҳбарлари кенгаши ва унга аъзо давлатларнинг ахборотлаштириш бўйича МҲА ҳузуридаги мувофиқлаштирувчи кенгаши;

- МПА МДҲ – АШҲ экспертлари кенгашининг 24-йиғилиши;

- CIO саммит;

- "Минтақавий трендлар ва 2022 йилги БМТ нинг электрон ҳукумат бўйича тадқиқот натижалари" семинари;

- МДҲ минтақаси учун минтақавий ривожланиш форуми;

- Туркий давлатлар ташкилотига аъзо давлатларнинг АКТ соҳаси учун масъул бўлган вазирлик идоралари раҳбарларининг навбатдаги йиғилиши;

- "Марказий Осиё мамлакатларида 1 ГГцдан паст радиочастота спектридан фойдаланиш истиқболлари" мавзусидаги сессия;

- "Рақамли технологиялар ва сунъий интеллектни ривожланишининг ҳозирги ҳолати ва истиқболлари" республика илмий-техник конференцияси;

- "ICTEXPO" - Ўзбекистон ахборот технологиялари кўргазмаси;

- "IT Village" мажмуасининг очилиш маросими

Ва ниҳоят мамлакатимиз мустақиллигининг 31 йиллигига бағишлаб идоравий тармоқ мукофотларига сазовор бўлганларни тақдирлаш маросими АКТ ҳафталигига якун ясади.