Wikipedia 2023 йилда энг оммалашган мақолалар рейтингини тузди. ChatGPT ҳақидаги мақола якунланаётган йилда энг кўп — 49,5 млн маротаба ўқилиб, 1-ўринни банд этди.

Етакчи бешлик қуйидагича:

1. ChatGPT — 49,5 млн марта.
2. 2023 йилда ўлимлар кўрсаткичи ҳақидаги мақола — 42,7 млн.
3. Крикет бўйича 2023 йилги жаҳон чемпионати — 38,2 млн.
4. Ҳиндистон премер-лигаси (профессионал крикет лигаси) — 32 млн.
5. “Оппенгеймер” (филм) — 28,3 млн.

• “Ўлим кўрсаткичлари” рейтингга икки маротаба: 2022 йил (4-ўрин) ва 2021 йил (1-ўрин)да кирган. 2023 йилда вафот этган машҳурлар, жумладан,  Мэтю Перри ва Лиза Мэри Преслига бағишланган мақолалар кўп ўқилган.
• Wikimedia жамғармаси 8 йил аввал тузишни бошлаганидан буён, крикет ҳақидаги контент 2023 йилда рейтингга биринчи марта кирди. Бу йилги крикет бўйича жаҳон чемпионати ёритилган мақола учинчи ўринни, крикет ҳақидаги яна учта мақола эса Wikipedia да энг кўп ўқилган 25 та мақола қаторидан жой олди. Маълумот ўрнида: крикет — Ҳиндистон ва Покистон сингари аҳолиси жуда кўп мамлакатларда энг оммалашган спорт тури.