Рақамли технологиялар вазири Шерзод Шерматов Венгриянинг 4iG компаниясининг раиси Жасзаи Геллерт билан онлайн учрашув ўтказди. 

Учрашув аввалида компания раиси учрашув учун миннатдорчилик билдириб, Ўзбекистоннинг Парижда бўлиб ўтган Олимпиада ўйинларида эришган ажойиб натижаси билан табриклади. 

Ўз навбатида, вазир Давлатимиз раҳбари томонидан Олимпиада ўйинларида кучли 15 таликка кириш мақсади қўйилганини ва бу шунинг самараси эканини қўшимча қилди.

Шундан сўнг компания вакиллари томонидан тақдимот ўтказилиб, олиб бораётган ишлари, келгусидаги режалари ҳақида маълумотлар берилди ҳамда ўзаро ҳамкорлик қилиш учун потенциал имкониятлар етарли даражада экани қайд этилди. 

Ўзбекистон телекоммуникация соҳасига инвестиция ва ҳамкорлик масалалари ҳамда унинг АйТи ва рақамлаштириш имкониятларини муҳокама қилинди.

Шу билан бирга, IT Park резиденти бўлиш, солиқ имтиёзларидан фойданилиш ҳамда компания филиалини юртимизда ташкил этиш бўйича таклифлар берилди. 

Шунингдек, компания раҳбарияти жорий йилнинг сентябр ойида бўлиб ўтиши режалаштирилаётган "ICT Week 2024” АКТ ҳафталигига таклиф этилди.