Пандемия авжида ишга туширилган Қозоғистоннинг математикани ўрганиш учун онлайн платформаси Ўзбекистонда кенг оммалашди, деб хабар беради 24KZ.

Ишлаб чиқувчиларнинг фикрича, унинг муваффақияти нафақат юқори сифатли таълим, балки болаларни ўқишга ундайдиган инновацион бонус тизими ҳамдир.

Ўтган йилнинг сентябридан буён 2 мингдан ортиқ Ўзбекистон фуқароси платформадан фойдаланган. EdTech асосчиси Асқар Болатнинг таъкидлашича, компания Ўзбекистонда 9 ойлик фаолияти давомида ойлик айланмаси 1,1 миллиард сўм (87 минг доллардан ортиқ) бўлган онлайн таълим бозорида етакчига айланган.

Лойиҳа қозоғистонлик ўқитувчилар ва АйТи мутахассислари томонидан ишлаб чиқилган ва қозоқ, рус ва ўзбек тилларига таржима қилинган.

EdTech асосчиси Абдул Шараповнинг фикрича, аҳоли сони ортиб бораётган Қозоғистон ва Ўзбекистон бозорларига чиқиш лойиҳани инвесторлар учун айниқса жозибадор қилади. Узбекистан EdTech офисида ҳозирда 70 га яқин ходим ишлайди. Компания фойдаланувчилар сонини кўпайтириш ва платформа мазмунини кенгайтиришда давом этмоқда.

Қозоғистоннинг АйТи-лойиҳалари Ўзбекистонда нафақат таълим, балки тиббиёт соҳасида ҳам амалга оширилмоқда. Ўтган йили маҳаллий шифохоналар инсултни даволашда ёрдам берадиган сунъий интеллект тизимини жорий қилди.

Қозоғистон Рақамли ривожланиш вазирлиги башоратларига кўра, жорий йилда Қозоғистон АйТи-технологиялари экспорти 500 миллион долларга етиши мумкин, бу 2020 йилга нисбатан 10 баробар кўпдир.