Ҳар йили ОАВ энг яхши ўйинлар рейтингларини тузади, фойдаланувчиларнинг овозлари асосида нуфузли мукофотлар эгалари аниқланади, бироқ аудиториянинг чинакам қизиқишини интернетдаги қидирувлар сонига қараб ҳам билиш мумкин. Шундан келиб чиқиб, Google ҳам алоҳида 2023 йилнинг энг оммалашган ўйинлари рейтингини тузди.

Рейтинг жаҳон бўйлаб интернет-қидирувларга асосланган. Маълум бўлишича, фойдаланувчиларни энг кўп қизиқтирган ўйинлар (излашлар сони бўйича) — Hogwarts Legacy ва The Last of Us. Биринчи ўйин нафақат франшизаси оммалашгани, балки Жоан Роулинг билан боғлиқ можаролар, иккинчи ўйин эса шахсий компютерлар учун релизи ва сериал сабабли топга чиқан бўлса эҳтимол.

Рейтинг қуйидагича (топ-10):

1. Hogwarts Legacy
2. The Last of Us
3. Connections
4. Battlegrounds Mobile India
5. Starfield
6. Baldur's Gate III
7. Suika Game
8. Diablo IV
9. Atomic Heart
10. Sons of the Forest

Mundfish студиясининг Atomic Heart ўйини рейтингга кириши кутилмаган воқелик бўлди. Анчайин нуфузли Baldur’s Gate III оммалашганлик бобида Starfieldдан ортда қолди.