Xiaomi Civi 3нинг биринчи расмий суратлари пайдо бўлди
Xiaomi ва Redmi компанияси президенти Лу Вейбинг Xiaomi Civi 3 смартфонининг орқа панели, камера блоки ва мавжуд ранглар дизайнини тасдиқлаган биринчи расмий кўринишини эълон қилди.
Орқа панел визуал равишда икки қисмга бўлинган, улар бир хил рангнинг оч ва тўқ кўринишида бўялган. Камера учта тасвир датчигини ўз ичига олади.
Aввалроқ MediaTek компанияси фақат Xiaomi Civi 3 учун Dimensity 8200-Ultra бир чипли тизимини яратгани маълум бўлган эди. Янги платформа суратга ишлов беришнинг 38 та функциясидан фойдаланиш имконини беради, шу билан бирга узлуксиз суратга олиш тезлигини 235 фоизга оширади.
Шунингдек, Xiaomi Civi 3 тақдимоти 25 май куни бўлиб ўтиши кутилаётгани тасдиқланди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter