Сунъий интеллект йўналишида вазирлик, идора ва ташкилотлар мутахассисларнинг билим ва кўникмаларни шакллантиришга қаратилган ўқув семинар ташкил этилди.

Бугун, 25 ноябрь куни Aхборот технологиялари ва коммуникацияларини ривожлантириш вазирлигида вазирлик, идора ва ташкилотларда ахборот технологиялари йўналишида фаолият олиб бораётган мутахассисларнинг сунъий интеллект йўналиши бўйича бошланғич билим ва кўникмаларни шакллантиришга қаратилган ўқув семинари бўлиб ўтди.

Мазкур тадбирда вазирлик ва идораларнинг 30 га яқин вакиллари иштирок этишди.

Семинарда Рақамли технологиялар ва сунъий интеллектни ривожлантириш илмий-тадқиқот институти раҳбарлари сунъий интеллект бўйича умумий тушунчалар, сунъий интеллект тарихи билан иштирокчиларни таништирди.

Шунингдек, семинар давомида сунъий интеллект технологияларининг инсон ҳаётида ва жамиятнинг ривожланишида тутган ўрни, Ўзбекистонда сунъий интеллект технологияларининг ривожланиш ҳолати ва истиқболлари ҳамда Жаҳон миқёсида сунъий интеллектнинг ривожланиш тенденциялари ҳақида маълумотлар берилди.