Сунъий интеллект билан ишлаш учун компютерга камида 16 Гб оператив хотира керак — TrendForce
Компютерларда сунъий интеллектнинг пайдо бўлиши қурилмаларни янгилашни талаб қилади, дейилади TrendForce ҳисоботида.
Таҳлилчиларнинг фикрича, 2024 йил сунъий интеллект (СИ) билан юқори даражада ишлай оладиган компютерларнинг чиқарила бошлаши билан ёдда қолади. СИ билан ишлай оладиган воситалар оддий фойдаланувдаги компютерларда ҳам пайдо бўлади, бу эса операцион тизимларга, жумладан, Windowsга қўйиладиган тизим талаблари янада қатъийлашини англатади.
Мавзуга доир: 2024 йилда 170 миллионта сунъий интеллектли компютер чиқарилади
Сунъий интеллектни бемалол ишлатиш учун компютерингиздаги оператив хотира камида 16 гигабайт бўлиши керак, дейишмоқда TrendForce экспертлари. Замон билан ҳамқадам бўлишни истаганлар янги компютер сотиб олишлари ёки эскисини апгрейд (микропроцессор, оператив хотира ва ҳоказоларни оптималлаштириш ҳисобига компютерни кучайтириш) қилишлари тақозо этилади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter