Олимлар бош мия фалажига чалинган болалар учун ўлчами созланадиган дунёдаги биринчи оёқ экзоскелетини (SLE) яратишди.

Аналоглардан фарқли ўлароқ, янгилик боланинг бўйи ўсгани сари унинг мушак-скелет тизимига мослаша олади.

Экзоскелет ўзининг алюминий корпуси туфайли жуда енгил ва уч хил созланувчи бўғинлар билан жиҳозланган.

Шунингдек, жамоа қурилмага телескопик цилиндрсимон механизмни ҳам ўрнатишди. 

Бу бош-мия ярим фалажи билан касалланган болаларнинг турли жисмоний имкониятларини инобатга олган ҳолда амалга оширилди.

Бундан ташқари, чақалоқлар вақт ўтиши билан ўсиб ҳисобга олиб, улар ташқи трубанинг учида қисқич билан вертикал кесма ҳосил қилишди.

Натижада, қурилманинг узунлигини созлаш янада осонлашди.

Қурилма олинадиган тагликлар ва яна бир қанча қўшимчалар билан бирга келади.

Айниқса, қурилманинг фавқулодда тўхтатиш тугмаси ва йиқилиш хавфини камайтирувчи сирпанмайдиган таглиги эътирофга лойиқ.

Бундан ташқари, муҳандислар мосламага бир қатор механик функцияларни ўз ичига олган юқори самарали бошқарувчини қўшдилар.

SLE аллақачон бошқа турдаги экзоскелетларга қараганда анча тежамкор ва кўп қиррали эканлигини исботлади. Бу эса унинг янада оммалашишига сабаб бўлмоқда.