AnTuTu мутахассислари 2023 йил учун якуний рейтингни тузишди, унда глобал бозорнинг декабр ойидаги энг кучли смартфонлари аниқланди. Турли мамлакатларда тақдим этилган смартфонлар рейтингга киртилган бўлса-да, ғолиблик Хитой смартфонига насиб этди.

Демак, 2023 йилнинг декабр рейтинги етакчиси — 2 086 638 балл тўплаган iQOO 12, бу кучли ўнликка кирганлар орасида Qualcomm Snapdragon 8 Gen 3 процессори ўрнатилган ягона смартфон.

Иккинчи ўринда — Xiaomi 13 (1 559 604, процессор — Snapdragon 8 Gen 2). Худди шу процессорнинг кучайтирилгани ўрнатилган смартфонлар етарлича балл тўплай олмасдан кейинги ўринлардан жой олди: Samsung Galaxy S23 Ultra (1 551 689) ва Samsung Galaxy S23+ (1 551 358). Етакчи бешликни Nubia Z50 (1 542 570) якунлаб берди.

Оддий Galaxy S23 (1 518 165) — олтинчи, Dimensity 9200+ процессорида ишловчи Xiaomi 13T Pro (1 507 811) — еттинчи ўринда. Кейинги ўринларда: OnePlus 11 (1 473 552), Honor Magic5 (1 373 930) ва POCO F5 Pro (1 314 761).