Мetа компанияси Facebookнинг идентификация тизимини янгиламоқда. Қисқа қилиб айтганда, у Facebook логотипига бир қатор ўзгартиришлар киритди.

Умуман олганда, логотип аввалгисидан деярли фарқ қилмайди, фақат рангига бироз қуюқроқ ишлов берилган ва кичик "f" ҳарфига бир нечта ўзгартиришлар киритилган.

Компаниянинг мақсади янада аниқ ва ёрқин бўлган янги дизайн яратиш эди. Ҳар бир ўзига хос такомиллаштириш илова идентификаторининг асосий элементи сифатида бутун дизайн бўйлаб кўпроқ уйғунликни таъминлайди.

Шу боис ҳам компания Facebook логотипига у қадар катта ўзгартириш киритмади. Шунчаки Facebookнинг асосий кўк рангини янада тўқроқ қилди.

Шунингдек, Facebook сўзига ҳам Sans номли махсус шрифт ёрдамида ишлов берилди. Бу эса машҳур сўзнинг ўқилишини янада осонлаштиришга ёрдам беради.

Мeta Facebook дизайнига янада кўпроқ ўзгаришлар киритишни режалаштирмоқда. Компаниянинг айтишича, сиз айни дамда кўраётган қисман ўзгартирилган логотип янгиланган идентификация тизимининг биринчи босқичи бўлиб, Facebook фойдаланувчиларини олдинда ҳам кўп янгиликлар кутмоқда!