Кўпчилик VinFast русумли автомобиллар ҳақида эшитмаган бўлса керак. Ветнамнинг энг бадавлат одами асос солган мазкур компания бир неча йиллар ичида ажойиб натижаларга эриша олди. Хусусан, автомобил ишлаб чиқарувчиси кўплаб таниқли гигантларни ортда қолдириб, капиталлашув рейтингида учинчи ўринни эгаллади.

28 август куни Ветнамнинг электромобиллар ишлаб чиқарувчи компанияси — VinFastнинг акциялари 21 фоизга ошди.

Натижада 2017 йилда ташкил этилган компаниянинг бозор қиймати 160 миллиард долларга етди.

Ветнам компанияси бозорда ўнлаб йиллар давомида мавжуд бўлган Mercedes-Benz (76 миллиард доллар), Volkswagen, Ford ва Genetal Motors компанияларини ортда қолдиришга муваффақ бўлди.

Маълумотларга кўра, энди VinFast Ветнамнинг энг бадавлат одами Фам Нхат Вуонгнинг шахсан ўзи томонидан бошқарилади.  

Жорий йилнинг июн ойи ҳолатига кўра, АҚШда атиги 137 та VinFast электромобили рўйхатга олинган.

Компания жорий йилнинг охиригача 50 000 та автомобил ишлаб чиқаришни режалаштирмоқда. Шунингдек, VinFast АҚШда йилига 300 000 дан 450 000 тагача автомобил ишлаб чиқарувчи завод қуришни режалаштирмоқда.