Stability АI компанияси расмлар ёрдамида қисқа видеолар ярата оладиган янги сунъий интеллект моделини тақдим этди.

Компания сунъий интеллект ишининг намуналарини кўрсатди, ушбу йўналишдаги режалари билан ўртоқлашди.

Stable Diffusion номли нейрон тармоқ иккита версияда тақдим этилган: СVD ва СVD-XТ. Биринчиси тасвирларни 576х1024 пикселли ва 14 кадрли видеоларга айлантиради, иккинчиси эса 24 кадрли видеолар ишлаб чиқаришга қодир.

Ҳозирча нейрон тармоқ фақат ҳаракатланувчи камера бурчаклари ва объектларнинг секин ҳаракатланиши билан видеоларни яратиши мумкин.

Аммо ишлаб чиқарувчиларнинг фикрига кўра, у ҳали одамлар, юзлар ва матнларни тўғри талқин эта олмайди.

Stability АI компанияси нейрон тармоқ 360 даражали видео яратиш учун қўшимча хусусиятларга эга бўлиши лозимлигини таъкидлайди.

Кейинчалик компания матн сўрови асосида видеоларни яратишга қодир янги моделни ҳам тақдим этиш ниятида.

Ана шундагина ундан реклама, ўйин-кулги ва таълим бериш мақсадларида фойдаланиш мумкин.
Сиз GitHubда Stable Video Diffusionнинг манба кодини кўришингиз ва компаниянинг расмий веб-сайтида матн орқали видео яратиш хизмати учун навбат кутиш рўйхатига ёзилишингиз мумкин.