Ағабек Бозорбоев 2016 йилда ўқишни Кореяда давом эттириши ёки Ўзбекистонда қолиб, IТ соҳасида ўз омадини синаб кўриши мумкин эди. Аммо ички ҳиссиёт уни иккинчи йўл томон етаклади.

Бугун у 30 ёшида муваффақиятли ва машҳур IТ компаниялардан бири — Green White Solutionsда техник диреcтор лавозимида фаолият юритмоқда.

Кириш имтиҳонларга бир ой қолганда режаларим ўзгариб кетган...

Болаликдан ота-онам, математика ва физика ўқитувчиларим мени аниқ фанларни ўрганишга ундашган. Мен илмий иш билан шуғулланишни, мураккаб математик тушунчаларни ўрганишни орзу қилардим. Бироқ, кириш имтиҳонларига бир ой қолганда режаларим тубдан ўзгарди.

Математикада тадқиқотингиз самарасини кўриш учун баъзан ўнлаб йиллар, ҳатто асрлар керак бўлади. Масалан, замонавий технологиялар юзлаб йиллар аввал қилинган кашфиётларга асосланади. Буни тушуниб, мен ўз ишимнинг натижасини дарҳол кўришим мумкин бўлган кўпроқ амалий йўналишни излай бошладим. Математика билан чамбарчас боғлиқ бўлган IТ соҳаси мени ғояларимни тезда амалга ошириш имконияти билан ўзига тортди.

IТ соҳасида менга ёқадиган нарса шундаки, яратилган ҳар бир лойиҳа нафақат ижодкорлик, балки тезкор фикр-мулоҳаза ҳам талаб қилади. Бу танлов мен учун технология оламига кириш нуқтаси бўлди.

Дастурчининг ҳаёти доимо хатолар ва ютуқлар орасида ўтади...

Дастурчи — бу код ёзадиган соҳани бошқа одамларнинг 99 фоиздан кўра кўпроқ биладиган одам. Кўпинча код ёзиш учун биз аввало соҳага (бизнес, тиббиёт, телекоммуникатсийз, банк) тўлиқ кириб, уни ўрганамиз. Бу жуда кўп вақтни олади, лекин охир-оқибат, биз тўғри маҳсулотни яратиш учун камроқ вақт сарфлаймиз.

Агар сиз истеъмолчига бирор нарса бермоқчи бўлсангиз, унинг истаклари, ҳолатлари, соҳаси ва бизнес йўналишини ўрганишингиз керак. Албатта, бу узоқ вақт талаб қилади. Аммо натижага тезроқ эришасиз. Эҳтимол, сарфланган вақтингизнинг 20 фоизи билан сиз керакли натижага эришишингиз мумкин.

Яхши дастурчи бўлиш учун соҳа сизга қизиқарли бўлиши ва асосийси сиз доимо янгиликларга очиқ бўлишингиз керак. Шунингдек, ўзгаришларга очиқ бўлишингиз, муаммоларни тўғри таҳлил қилишингиз ва керакли ечимни таклиф қила олишингиз лозим.

Дастурчининг ҳаёти доимо хатолар ва ютуқлар орасида ўтади. Асосан, биз миннатдорчиликдан кўра кўпроқ танқидни эшитамиз. Бу жиҳатимиз билан шифокорларга ўхшаймиз гўё!

Дастурчининг мияси 24 соат ишлайди — у ўйлайди, тўғри ёндашув ва ечимларни қидиради ва синовдан ўтказади. Муаммо юзага келса ечим излайди. Дастурчининг иш вақти аниқ белгиланмаган, унинг мияси доимо ишлайди. У абадий қидирувда!

Мақсадим — ватандошларим пул топиш илинжида оиласидан олислашмасин...

Мен хорижда ўқишни давом эттириш, шунингдек, ишлаш учун ҳам бир қанча таклифлар олганман.

Аммо профессионал фаолиятимни эндигина бошлаганимда GWS раҳбари Абдуқаҳҳор Тошмуҳамедов менга ҳаётимни ва тақдиримни ўзгартирган ажойиб таклиф билан чиқди! У шундай деди: "Мен ходимлар бизнинг компаниямизда ишлаётган пайтда Америка маошларини олишни режалаштирганман! Биз, албатта, юқори даражага эришамиз ва сиз муносиб маош оласиз! Бизда катта салоҳият бор, маҳсулотимиз келажагига ишонамиз!"

Йиллар давомида менга хорижда ишлаш бўйича кўплаб таклифлар тушди. Аммо мен учун менинг қадриятларим биринчи ўринда — ота-онам ва оилам! Уларни кўрмасдан яшаш мен учун мушкул. Мен уларни ҳафтада камида бир марта кўришим керак. Мен моддий масалалар ҳақида умуман ўйламаганман! Шунинг учун мен чет элга кетмадим!

Агар биз қураётган корхонамиз яқин келажакда 1000 ёки 10 минг кишини иш билан таъминлай олса, бу менинг ватаним равнақи, халқим фаровонлиги учун қўшган энг катта ҳиссам бўлади. Юртдошларим пул топиш илинжида оиласидан узоқлашмайди. Бу мақсадни амалга ошириш учун ўз юртимда ишлаб, унинг равнақига ҳисса қўшишим керак!

Ўзбекистонда IТ соҳасида ишлаб чет элда яшаётгандек маош олишингиз мумкин...

Танловни ҳар бир инсон ўзи қилади! Лекин биринчи навбатда бир саволга жавоб беринг: “Мен нимани хоҳлайман?“, “Яқин 4-5 йил ичида мен қандай ҳаёт кечиришни хоҳлайман“? Сиз чет элга ўқишни хоҳлайсизми ёки шунчаки яшашни ва бошқа мамлакатнинг турмуш тарзини бошдан кечиришними?

Мен ҳеч қачон чет элда ишламаганман. Лекин бир нарсани аниқ айта оламан – бугун Ўзбекистонда малакали мутахассис учун имкониятлар жуда кўп. Истаган инсон шу ерда туриб ҳам хорижий компанияда ишлаши мумкин.

Мамлакатимизда IТ соҳасида ишлаб сиз чет элда яшаётгандек маош олишингиз мумкин.

Баъзи ёшлар орасида 3-4 йил ўқиб, бу соҳа улар учун эмаслигини тушуниб, ўз келажагини бу соҳада кўролмайдиганлсри ҳам учраб туради. Умрингиз беҳуда кетмаслиги учун сиз аниқ нимани хоҳлаётганингизни олдиндан билиб олишингиз ва зарурат туғилганда маслаҳат олишингиз керак.

Ҳозирда мен фаолият олиб бораётган компания ўз ечимларини глобал миқёсда амалга ошириш бўйича улкан режаларни олдиндан белгилаб олган. Мен ходимларимни ривожланишга ундашни катта ютуқ деб биламан.

Яъни, сиз компанияда 1-даражада қолиб кета олмайсиз — ҳар доим ўз устингизда ишлашингиз, ўрганишингиз ва маҳоратингизни оширишингиз керак. Ходимларнинг малакасинии ошириб бориш учун компанияда барча шароитлар етарли ва молиялаштирилган.

Бундан ташқари, компаниямиз томонидан жамоамиз учун чет эл сафарлари – тимбилдинглар ташкил этилади. Ходимларимиз турли ижтимоий лойиҳаларда ҳам фаол иштирок этиб туришади. Масалан, яқинда жамоамиз билан Бухоро вилоятининг чекка ҳудудида жойлашган кутубхона учун турли китоблар ва ўқув қуролларини жўнатдик.

Juniorдан CТОгача...

Мен компанияга оддий талаба сифатида келиб, 8 йил мобайнида CТО (техник менежер) лавозимигача кўтарилдим. Ҳозирги кунда техник директор дажасига чиқишимда аввало мақсадларим, ишга масъулият билан ёндашишим, оилам, дўстларим ва раҳбарим Абдуқаҳҳор Тошмуҳамедовларнинг ўрни беқиёс.

Мақсадларим...

CТО лавозимида шлаб билан бир қаторда келгуси йилда мен магистратурада ўқишни ҳам режалаштирмоқдаман. Ота-онам билан боғлиқ режаларим ҳам талайгина.

Ўзбекистонда қизлар учун IТ университет очиш ва аёллар у ерда бепул, малакали таълим олишлари учун барча шароитларни яратиш келгусидаги муҳим режаларимдан бири, десам муболаға бўлмайди.

Айни дамда мен учун компания иккинчи оиламдир, унинг мукаммаллиги эса менинг мукаммаллигим!

IТ соҳасига эндигина кириб келган ёшларга тавсияларим:

1. Мантиқ ва математикани мустаҳкамланг;.

2. Сиз ҳақиқатан ҳам IТ дастурчиси бўлишни хоҳлайсизми ёки йўқ, бу ҳақда яхшилаб ўйлаб кўринг, асосий мақсадингиз пул бўлмаслиги керак;

3. Яқин келажакда IТ соҳаси қисман сунъий интеллект билан чамбарчас боғланади ва фақат ишлаб чиқарувчиларгина қолади. Сиз эса бунга тайёр бўлишингиз лозим;

4. Табиатан IТ мутахассиси муаммо ёки қийинчиликларга ечим топишга интилиши даркор;

5. Ишлаб чиқарувчи интроверт эмас, балки фаол ҳаёт тарзига эга бўлиши керак. Чунки муаммони ўз ичидан топиш қўшимча маблағ ва вақт талаб этади.