Ўзбекистонда қайси банклар мобил иловалари энг оммабоплигига қизиқдик. «Play Market» ва «App store» орқали қидирувлар натижасида қуйидаги маълумотлар келиб чиқди. Маълумотлар 2022 йилнинг 8 июнь санасига кўра олинди.

1. «Apelsin» (Apelsin банки)

Apelsin банкининг «Apelsin» иловаси Play Market орқали 1 млн мартадан ортиқ юклаб олинган. Иловага 123 мингдан зиёд шарҳлар ёзилган бўлиб, ўртача баҳоси 4,8 ни ташкил этмоқда. App store’га кўра, ўртача 4,9 баҳода қайд қилинган.

2. «Anorbank» (Anorbank)

Anorbank’нинг шу номдаги иловаси Play Market’дан 1 млн мартадан зиёд юкланиб, унга 81 мингта шарҳ қолдирилган. Ўртача баҳоси 4,6. App store’да бу нисбат 4,7.

3. «TBC UZ» (TBC bank)

Очилганига унча кўп вақт бўлмаган TBC bank’нинг «TBC UZ» мобил иловаси ўзига хос пиар натижасида Play Market’нинг ўзида 1 млн мартадан кўп юклаб олишлар, 35 минг шарҳ ҳамда ўртача 4,2 баҳо олишга эришган. App store’да 4,0 баҳо кўрсатилган.

4. «Ipoteka Mobile» (Ipotekabank)

Ipotekabank’нинг «Ipoteka Mobile» иловаси Play Market’да 1 млндан ортиқ юклаб олинганлар сафида. Унга фойдаланувчилар 13 мингта шарҳ  ёзишган. Илованинг ўртача баҳоси 3,8. iOS фойдаланувчилари иловани 2,2 қийматда баҳoлаган.

5. «Agrobank Mobile» (Agrobank)

2021 йил декабрида ребрендингини эълон қилган Agrobank’нинг «Agrobank Mobile» маҳсулоти Play Market’да миллион марта юклаб олинган иловалар бешлигини якунлаб берган. Фойдаланувчилар томонидан 12 мингта шарҳ ёзилиб, 3,7 қийматда баҳоланган. App store эса, 3,3 баҳо кўрсатмоқда.

6. «InfinBANK» (InfinBANK)

Умумий олтинчи ўринда, лекин ярим миллион мартада кўп юклаб олишлар бўйича пешқадам InfinBANK’нинг ўз номидаги иловаси Play Market’да 9 мингта шарҳ ва 4,6 баҳога эга. App store уни 4,4 баҳолаган.

7. «Xalq Mobile» (Xalq banki)

Xalq banki’нинг «Xalq Mobile» иловаси ҳам Play Market орқали ярим миллион мартадан ортиқ юклаб олинган. Фойдаланувчилар изоҳлари сони 6 мингдан зиёд. Ўртача баҳоси 4,3. App store’да эса, юқори 4,7.

 8. «Joyda» (O‘zsanoatqurilishbank)

2022 йил биринчи чорак якунлари бўйича энг сердаромад банклар орасида етакчи бўлган «O‘zsanoatqurilishbank» маҳсулоти «Joyda» 500 минг мартадан кўп юклаб олинган. Play Market’да фойдаланувчилар томонидан 10 минг марта шарҳ қолдирилган бўлса-да, илованинг ўртача баҳоси 3,9 ва App store’да 3,6 ни ташкил қилмоқда. Шу боис саккизинчи поғонани банд этган.

9. «Milliy» (O‘zmilliybank)

«O‘zmilliybank»нинг «Milliy» мобил иловаси ҳам Play Market’да 500 минг марта юклаб олишлар, 9 мингта шарҳ ҳамда ўртача 3,9 баҳода қайд қилинган. App store’даги баҳо қиймати 3,0.

10. «Hamkor Mobile» (Hamkorbank)

Кучли ўнликни Hamkorbank’нинг «Hamkor Mobile» иловаси Play Market’да 500 минг марта юклаб олишлар, 5 мингта шарҳ ва ўртача 3,7 баҳо ва  App store’даги баҳоси – 3,1 билан якунлаб бермоқда.

Шунингдек, 9 та – «Aloqabank», «Davr bank», «Qishloq qurilish bank», «Turon bank», «Asakabank», «Mikrokreditbank», «Ravnaq bank», «Trastbank» ва «Ipak yo‘li» банклари мобил иловалари Play Market орқали 100 минг мартадан кўп юклаб олинган.

Диққат! Мақола субъектив характерга эга. Уни тайёрлашда очиқ маълумотларга таянилди.