Google Docs’нинг сўнгги янгиланиши бир вақтнинг ўзида бир нечта матн қисмини танлаш имкониятини тақдим этди. Функция ҳужжатларни тезроқ ва қулайроқ таҳрирлашга ёрдам беради. Мисол учун, фойдаланувчи бир вақтнинг ўзида барча сарлавҳаларни танлаши ва уларни форматлаши мумкин.

Янгиланиш саҳифасида компания ушбу хусусият барча Google Docs фойдаланувчилари учун мавжуд бўлишини таъкидлади. Функция 2022 йил 25 майдан бошлаб босқичма-босқич ишга туширилади. Хабар қилинишича, уни созламаларда ўчириб бўлмайди.

Режимни фаоллаштириш учун macOS’да Ctrl + Alt + Shift ёки Ctrl + ⌘ + Shift тугмалар бирикмасини босиб ушлаб туришингиз ва сичқонча билан керакли бўлакларни танлашингиз керак. Шундан сўнг комбинацияни қўйиб юбориб, барча танловларга қўлланиладиган ва ҳужжатнинг қолган қисмига таъсир қилмайдиган форматлаш опциясини белгилашангиз мумкин.

2022 йилнинг апрель ойида Google ўзининг ҳужжатларни онлайн таҳрирлаш воситасига бир қатор янгиликларни қўшди. Шундай қилиб, ўтган ойнинг бошида компания Google Docs’даги Markdown’нинг чекланган қўллаб-қувватланиши энди фойдаланувчилар учун мавжуд эканлигини эълон қилди. Шу билан бирга, ҳужжатларда жамоавий иш учун эможи кўринишидаги реакциялар пайдо бўлди.