Tesla компаниясининг бир жуфт Optimus гуманоид роботлари янги одамсимон роботни йиғиш жараёнида иштирок этишди.

Ташқи томондан, улар Tesla`нинг ўз таркибий қисмларидан йиғилган иккинчи Optimus прототипига ўхшарди. Сентябрь ойида бўлиб ўтган тақдимотда у аравада саҳнага олиб чиқилган эди ва у томошабинларга қўл силкитганди.

Илон Маск одамсимон роботлар ривожланишидаги муваффақиятни “ўртача тезликда” деб баҳолайди. Компания ҳақиқий дунёда қўлланилиши мумкин бўлган энг илғор сунъий интеллектдан фойдаланиш – Optimus`нинг асосий устунлиги деб ҳисоблайди.

Роботлар Tesla`нинг электр транспорт воситаларини бошқариш тизимлари билан бир хил дастурий таъминот асосида ишлайди. Энг асосийси улар ўрганиш қобилиятига эга бўладилар.

Ҳозирги Optimus прототиплари максимал 8 км/соат тезликда ҳаракатлана олади ва 68 кг гача юк кўтара олади. Бир жойдан иккинчи жойга эса 20,5 кг гача бўлган юкни таший олади. Шу билан бирга, роботнинг вазни тахминан 57 кг ни ташкил қилади.

Tesla ўз заводларида минглаб Optimus`дан фойдаланишни режалаштирмоқда. Компания роботларни тахминан 20 минг долларга сотмоқчи.