Талабаларнинг ракетаси рекорд баландликка кўтарилди
Эмбри-Риддл аэронавтика университети талабалари ўзлари ихтиро қилган "Денеб" номли ракетани 14 548 метр баландликкача чиқариб, рекорд қайд этдилар. Бундан олдинги рекордда "Эверест" ракетаси 6 706 метр баландликка кўтарилган эди.
"Денеб" 26.1 сонияли парвозда 1850 км/с тезликка эришди. Талабалар ракета устида 3000 соат ишладилар ва бу учун кунлаб чўлда тунашларига тўғри келди. Аммо, шунга яраша, машаққатли меҳнат мевасини берди. Ҳозирда уларга SpaceX, Blue Origin, Firefly Aerospace каби номдор компаниялардан иш таклиф қилинмоқда.
Талабалар ушбу лойиҳага киршиш олдидан Ракета ишланмалари лабораториясига бирлашишган, Lockheed Martin и Firefly ташкилотидан грант олишган. "Денеб" улар ихтиро қилган илк ракета эмас. Аввал ҳам "Алтаир" номли ракета ишлаб чиқишган, лекин у ўтган йили парвоз пайти портлаб кетган эди. Бундан сабоқ чиқарган жамоа янги ракета яратишда эски хатоларни такрорламади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter