Олимлар сўлаги пластмассани парчалайдиган қуртни топдилар. Она табиат барчасига ғамхўрлик қилди
Испаниялик олимлар ҳайратланарли кашфиёт қилишди: баъзи қуртларнинг сўлаклари пластмассани парчалаши мумкин.
Натижалари Science Advances журналида чоп этилган тадқиқот давомида мутахассислар воскли куя (Galleria mellonella) личинкаларини синчиклаб ўрганиб чиқишди.
Крио-электрон микроскопия ёрдамида мутахассислар ушбу қуртларнинг сўлагини батафсил ўрганишди. 3D реконструкция шуни кўрсатдики, у полиэтиленни оксидловчи ва парчалашга қодир бўлган тўртта гексамерин гуруҳини ўз ичига олади.
Бу оқсиллар парчаланиш жараёнининг фаоллигини тартибга солувчи макромолекуляр комплексларга ўз-ўзини ташкил қилишнинг ноёб қобилиятига эга.
Келажакда олимлар оқсилнинг бу ноодатий функционаллиги ортида ётган эволюцион жараёнларни ўрганиш ниятида. Бу табиий ферментлар ёрдамида пластмассани қайта ишлашнинг янги усулларини яратиш учун калит бўлиши мумкин.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter