Roadshowда профессионал соҳа мутахассислари спикер сифатида иштирок этишди ва технология ихлосмандлари учун маҳорат дарслари, маърузалар, нетворкинг сессияси ва фаол иштирокчилар билан совринли викториналар ташкил этилди. 

Ушбу тадбирда Рақамли технологиялар вазири маслаҳатчиси Камола Собирова, Хоразм вилояти ҳокими ўринбосари — оила ва хотин-қизлар бошқармаси бошлиғи Нигора Кутлимуратова ҳамда махсус меҳмон Women in Tech асосчиси ва бош директори Ayumi Moore Aoki ҳам иштирок этиб бугунги кунда технология ва инновациялар оламида аёл-қизларнинг ўрни ва уларнинг бу йўналишда эришаётган катта натижалари ҳақида тўхталдилар.

Шу билан бирга замонавий билимларга эга бўлишни орзу қилган қизларга ахборот технологиялари соҳасида ўз йўлини топишга ёрдам бериш, дастурлаш, сунъий интеллект каби шиддат билан ривожланиб, ҳаётимизнинг ажралмас қисмига айланиб бораётган йўналишларда таълим олишлари, кучли мутахассис кадрлар сифатида намоён бўлишлари учун амалга оширилаётган ишлар ва келгусида қилиниши лозим бўлган режалар ҳақида ҳам тўхталинди.

Roadshowда иштирок этган спикерлар ўзларининг соҳада эришган ютуқлари билан иштирокчи ёшлар учун имконсиз нарсанинг ўзи йўқлигига ёрқин намуна бўлишди.