Жорий йилнинг 25 декабр куни Тошкент шаҳридаги Инҳа университети биносида Рақамли технологиялар вазирлиги ҳамда вазирлик тизим ташкилотлари ўртасида “UzQuiz” интеллектуал мусобақасининг финал босқичи бўлиб ўтди. 

Ушбу мусобақа соҳа ходимларининг интеллектуал салоҳиятини ошириш, жамоавий ишлаш маданиятини ривожлантириш ва дўстона ҳамкорликни мустаҳкамлашдан иборат.

Мусобақанинг финал ўйинида жами 20 га яқин жамоа, 110 дан ортиқ иштирокчилар ўз билимларини синашди.

Финал ўйини олдидан Рақамли технологиялар вазирининг биринчи ўринбосари О.Пекос сўзга чиқиб, барча иштирокчи жамоаларга омад тилади.

Қизғин курашларга бой ўйинда қуйидаги жамоалар ғолибликни қўлга киритди: 

🥇ТАТУ – Муҳаммад ал-Хоразмий номидаги Тошкент ахборот технологиялари университети жамоаси

🥈Seniors – Рақамли технологиялар вазирлиги жамоаси 

🥉 AIRI team – Рақамли технологиялар ва сунъий интеллектни ривожлантириш илмий-тадқиқот институти жамоаси 

🏆 Кубок соҳиби - ТАТУ 

Мавсум ғолиби - IT DESANT (Ўзбекистон Республикаси Ахборотлаштириш ва телекоммуникациялар соҳасида назорат инспекцияси жамоаси) 

Шу билан бирга, ўйин иштирокчилари турли хил лоторея совринларини ҳам қўлга киритдилар.