UZINFOCOM ва Datamine компанияси ўртасида геологияни рақамлаштириш концепциясини ишлаб чиқиш бўйича ҳамкорлик йўлга қўйилади
UZINFOCOM саноатни рақамлаштириш департаменти ходимлари кончилик саноати учун технологияларнинг етакчи жаҳон етказиб берувчиларидан бири бўлган Datamine компанияси раҳбарияти билан ишчи учрашув ўтказдилар.
Datamine Software геологик қидирув, ресурсларни моделлаштириш, кон ишларини режалаштириш, ишлаб чиқаришни бошқариш, логистика ва маркетинг учун дастурий таъминот ишлаб чиқишга ихтисослашган.
Учрашувдан кўзланган мақсад алоқа ўрнатиш, UZINFOCOM фаолиятини тақдим этиш, шунингдек, ҳамкорлик истиқболларини муҳокама қилишдан иборат эди.
Ўзбекистонда соҳани модернизация қилишда муҳим қадам бўлиши мумкин бўлган геологияни рақамлаштириш концепциясини ишлаб чиқишда мумкин бўлган ҳамкорликка алоҳида эътибор қаратилди.
Музокаралар давомида томонлар тажриба алмашдилар ва кейинги ҳамкорлик учун асосий йўналишларни белгилаб олдилар.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter