TikTok ижтимоий тармоғи ўзининг Tako номли чатботини синовдан ўтказишни бошлади. У TikTok интерфейсининг ўнг томонида, фойдаланувчи профили, лайк  ва изоҳ белгиларининг тепасида пайдо бўлади. Фойдаланувчилар TikTokга видео ҳақида турли саволлар бериши ёки тавсия сўрашлари мумкин бўлади.

Масалан, қирол Чарлзнинг тож кийиш маросими ҳақидаги видеони томоша қилаётганда, Takoдан ушбу воқеанинг аҳамияти нимада эканлигини сўраш мумкин, у катта эҳтимол билан қисқача тарихий маълумот беради. Tako шунингдек, уй ҳайвонлари учун кулгили видеолар каби маълум бир мавзу бўйича видеоларни таклиф қилишни сўраш мумкин. Бот сарлавҳа ва муаллифлар билан натижалар рўйхати билан жавоб беради.

Tako биринчи марта ишга туширилганда, TikTok фойдаланувчиларни бот ҳозирча "экспериментал" деб ҳисобланиши ва унинг шарҳлари "нотўғри бўлиши мумкинлиги" ҳақида огоҳлантиради. Компания, шунингдек, чатботдан тиббий, юридик ёки молиявий маслаҳатларга таянмаслик кераклигини таъкидлайди.