Референдум участкасини уйдан чиқмасдан аниқлаш имкони бор
Референдумга ҳам саноқли кунлар қолди. Агар яшаш жойинг яқинида сайлов участкалари бир нечта бўлса, қайси бирига чиқиб овоз бериш савол остида қолиши мумкин.
Ушбу масалада ортиқча бош қотириб ўтирмай my.gov.uz порталига мурожаат қилса бўларкан.
Бунинг учун порталда алоҳида хизмат ишга туширилган бўлиб, фуқародан фақат биометрик паспорт ёки ID-картасининг серияси ва рақамини ҳамда туғилган санасини ёзиш талаб этилади.
Масалан, ўзим ҳам референдум участкамни шу йўл билан аниқлаб олдим: шундоққина уйим яқинидаги мактаб тайин этилган экан.
Референдум участкаси ҳақидаги маълумотларга оператор томонидан аниқлик киритилиши учун фуқаро сўровномани телефон рақами ва унга бепул юбориладиган махсус код билан тасдиқлаши керак экан. Ҳаммаси тезда ҳал бўлди. Мана энди референдумга тайёрман!
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter