Вашингтон университети ва Жоржия технология институти олимлари гуруҳи сичқонларнинг нафас олиш йўлларида аксириш ва йўталишга олиб келадиган нейронларни аниқлади. Тадқиқот Cell журналида чоп этилди.

Олимлар аксириш ва йўталишга олиб келадиган нейронларни ажратиш учун сичқонларда ион каналларини фаоллаштиришдан фойдаланганлар. Улар BAM 8−22 бирикмаси MrgprC11 ион каналини фаоллаштиришини аниқладилар, бу эса аксиришни келтириб чиқаради. Ушбу канал билан нейронларни олиб ташлаш натижасида инфекцияланган сичқонлар аксирмади, бу уларнинг гипотезаларининг тўғрилигини тасдиқлади.

Йўтални келтириб чиқарадиган нейронларни аниқлаш учун худди шундай ёндашув ишлатилган. Тадқиқотчилар трахеяда бир нечта шундай нейронларни топдилар, уларнинг олиб ташланиши йўтални блокировка қилди.

Жамоа энди бу нейронлар фаоллашгандан кейин нима содир бўлишини ўрганишни ва шунга ўхшаш нейронлар одамларда бор ёки йўқлигини текширишни режалаштирмоқда. Бу симптомлар учун янада самарали даволаш усулларини ишлаб чиқишга олиб келиши мумкин.