Microsoft Word ва Excel фойдаланувчиларидан рухсатсиз маълумотларни йиғишда қўлга тушди. 

Бу ҳақда nixCraft тахаллуси остидаги инсайдер Х ижтимоий тармоғида маълум қилди. Унга кўра, бу иловаларда Connected Experiences функцияси ёқилган. Гўёки бу технология нейрон тармоқларни ўқитиш учун маълумотларни тўплайди. 

Ушбу функцияни ўчириб қўйиш жуда қийин, тажрибасиз фойдаланувчи уни тушуниши даргумон. Бироқ, шуни билиш керакки, ўчириш жараёни қуйидагича: Microsoft Office иловасини очгандан сўнг менюга ўтиб File → Options → Trust Center → Trust Center Settings → Privacy Options → Privacy Settings → Optional Connected Experiences ва ундан сўнг Turn on optional connected experiences белгисини олиб ташланг.

“Ушбу созлама ўзининг стандарт конфигурациясида Microsoftга ҳар қандай ҳужжатлардан, жумладан, мақолалар, романлар ёки бошқа асарлардан, шу жумладан муаллифлик ҳуқуқи объекти бўлган ёки тижорат сирларини ўз ичига олган ҳужжатлардан муаллифлар ёки эгаларининг розилигисиз фойдаланиш имконини беради.

Бундан ташқари, манфаатлар тўқнашуви мавжуд, чунки Microsoft Officeда яратилган маълумотлар компанияларда ички нейрон тармоқларни ўқитиш учун ишлатилиши мумкин. Шу сабабли, ўзининг интеллектуал мулки ёки махфий маълумотларини ҳимоя қилишдан хавотирда бўлган ҳар бир киши зудлик билан чора кўриши керак ", деди tom’s Hardware Guide шарҳловчиси Антон Шилов, инсайдер хабарида.