Microsoft ўзининг СИ ёрдамчиси Copilotни Windows иловасига олиб келишини ва СИ ёрдамчиси белгисини компютер иш столининг олд томонига кўчиришини эълон қилди.

Ҳозиргача Copilot белгиси экраннинг пастки ўнг бурчагида "олдиндан кўриш" деган маънони англатувчи "Pre" ёрлиғи билан бириктирилган эди. Аммо энди Microsoft "олдиндан кўриш" белгисидан воз кечмоқда ва Copilotни вазифалар панели марказига жойлаштириш орқали тўлиқ етказиб бериладиган маҳсулотга айлантирмоқда.

Microsoft компаниясининг Windows Commercial  маҳсулот маркетинги бўйича катта менежери Харжит Даливалнинг сўзларига кўра, ўзгаришлар "иловага ўхшаш янада мослашувчан тажрибани таъминлаш" учун қилинган. "Кундалик иш жараёнларига муаммосиз интеграция қилиш ва сунъий интеллект ёрдамида ёрдам бериш учун биз Copilotни мустақил иловага айлантиришга қарор қилдик", деб ёзди Даливал компания блогида. "Ушбу ўзгариш билан Copilot фойдаланувчилари ойна ўлчамини ўзгартириш, сиқиш ва кўчириш каби анъанавий иловаларнинг афзалликларига эга бўладилар." Унинг таъкидлашича, бу фойдаланувчиларга “Windowsда генератив СИ билан янада самаралироқ ўзаро ҳамкорлик қилиш” имконини беради.