Google Исаак Нютоннинг "Тасдиқланган" электрон почта манзилини ошкор қилди
Ушбу ҳафтада фойдаланувчилар эътиборини Google Scholarда буюк физик Исаак Нютоннинг профилидаги ғайриоддий тафсилот жалб қилди - бу "тасдиқланган" электрон почта манзилидир.
Профилга кўра, Нютон Массачусетс Технология Институти (МИТ) профессори сифатида рўйхатга олинган ва гўёки mit.edu домени билан электрон почтадан фойдаланади.
Бу қизиқарли фактни математика профессори Жеймс Каммингс қайд этиб, Ньютонни янги "лавозим" билан кинояли табриклади. Бу ижтимоий тармоқларда шарҳлар ва ҳазиллар тўлқинига сабаб бўлди.
Фойдаланувчилар, шунингдек, ҳали “электрон почтасини тасдиқламаган” Алберт Эйнштейннинг профилини ҳам эътибордан четда қолдирмадилар, бу эса муҳокамага янада ҳазил бағишлади.
Бу каби ҳолатлар Google Scholarнинг заиф томонларини кўрсатади, бунда текшириш фақат электрон почта учун қўлланилади ва профил эгасининг шахси тасдиқланмаган бўлиб қолиши мумкин.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter