Janubiy Koreyaning Samsung Electronics giganti xodimlari ilk bor ish tashlash e’lon qildi. Bu global yarimo‘tkazgich ta’minotiga ta’sir qilishi mumkin. 28 mingdan ortiq ishchi (umumiy sonning 20 foizi) vakili bo‘lgan kasaba uyushmasi 7-iyun kuni bir kunlik ish tashlash uchun yillik ta’tildan foydalanish niyatida.

Norozilik sababi ish haqi va bonuslar bo‘yicha kelishmovchilik edi. Rahbariyat va kasaba uyushmasi o‘rtasidagi muzokaralar yanvar oyidan beri davom etmoqda, biroq haligacha kelishuvga erishilmagan. Agar ish tashlash bo‘lib o‘tsa, bu kompaniya tarixidagi birinchi bunday holat bo‘ladi. Ilgari Samsung Electronics kasaba uyushma harakati bilan faol kurashgan.

Tahlilchilarning fikricha, ish tashlash kompaniya faoliyatiga katta ta’sir ko‘rsatishi mumkin, ayniqsa yarimo‘tkazgichlar bozori tez rivojlanib bormoqda. Yarimo‘tkazgichlar maishiy texnikadan tortib avtomobilgacha bo‘lgan zamonaviy texnologiyalarning muhim qismidir. Ish tashlash ishlab chiqarish zanjirlarini buzishi va chip tanqisligiga olib kelishi mumkin.