Mobiuz mobil operatori Markaziy Osiyo axborot texnologiyalari sohasidagi eng yirik tadbirlardan biri – ICTWeek 2024 haftaligining an’anaviy ishtirokchisi hisoblanadi. Uning doirasida o‘tkazilgan ICT Expo ko‘rgazmasi ilg‘or yechimlarni namoyish etish va soha ishtirokchilari o‘rtasida tajriba almashish uchun noyob platformadir.

Mobiuz o‘z stendida yangi 5G Calling va VoWiFi texnologiyalarini namoyish etdi.

5G Calling – bu interaktiv qo‘ng‘iroqlar. U bevosita qo‘ng‘iroq paytida interaktiv interfeysdan foydalanish imkoniyatini beradi. Ushbu texnologiya mehmonxonalarga oldindan buyurtma berish misolida namoyish etildi, uning yordamida qanday qilib bir daqiqada dunyoning istalgan mehmonxonasida xonani oldindan band qilish mumkinligi ko‘rsatildi. Xizmat imkoniyatlari cheklanmagan va uni biznesning har qanday sohasida foydalanish uchun moslashtirish mumkin.

Mobiuzning bu yilgi asosiy yangiligi VoWiFi bo‘lib, u operator tomonidan joriy yilning 24-avgustida ilk bor tijorat maqsadida ishga tushirilgan.

Shuningdek, Mobiuz stendining alohida ko‘ngilochar zonasida MobiGames (mobil o‘yinlar), MobiCinema (televideniyeva kino), MobiMusic (musiqa) kabi mahsulotlar va xizmatlar ekotizimi taqdim etildi.