Kuni kecha poytaxtimizda IT Park venchur fondlari, inkubatsiya markazlari va ekotizim hamkorlari ishtirokida uchrashuv bo‘lib o‘tdi.

Tadbirda “IT Park Ventures”, “AloqaVentures”, “United Ventures”, “Sturgeon Capital”, “UzCard Ventures”, “U-Enter”, “C-space”, “Startup Garage” inkubatorlari vakillari, shuningdek, Umid Rahimov, Artyom Panferov, “Startup Weekend” va boshqalar qatnashdilar.

IT Park Uzbekistan bosh direktori Abdulahad Kuchkarov IT Parkning mintaqaviy tashabbuslarni kengaytirish rejalari bilan gullab-yashnayotgan startap muhitini yaratishga sodiqligini ta’kidladi.

AI Lab asoschisi Artem Panferov IT Park Uzbekistan bilan hamkorlikda ikkita hakaton va bitta inkubatsiya dasturini o‘tkazish rejalarini ma’lum qildi. Bu dasturchilar va investorlar o‘rtasidagi hamkorlikni mustahkamlaydi.

“AloqaVentures” boshqaruvchi hamkori Suhrob G‘aybulloyev jamg‘armaning muhim tashabbuslarini aytib o‘tdi:

• g‘oya bosqichidagi startaplar uchun 20 ming dollar miqdorida investitsiyalarni ko‘rib chiqish;
• yangi strategiyalar bo‘yicha “AloqaVentures” startaplarga 1 million dollargacha mablag‘ kiritishni rejalashtirmoqda.

Ishtirokchilar 2025-yilga mo‘ljallangan qo‘shma tashabbuslarni, jumladan ta’lim dasturlari, akseleratsiya va xalqaro startaplarni jalb qilishni muhokama qildilar.

Uchrashuv ekotizimning asosiy ishtirokchilari O‘zbekistonda startap muhitini faol rivojlantirishga tayyor ekanligini tasdiqladi.

Yangi investitsiyalar, ta’lim dasturlari va mintaqaviy tashabbuslar bilan 2025-yil mamlakatda innovatsion loyihalarning o‘sishi uchun muhim bosqich bo‘lishi kutilmoqda.

IT Park Uzbekistan investorlar, mentorlar va tadbirkorlarning sa’y-harakatlarini birlashtiruvchi asosiy platforma sifatida faoliyatini davom ettirmoqda.