Yangi virus Windows himoyasini chetlab o‘tadi
Trend Micro mutaxassislari shaxsiy kompyuter foydalanuvchilariga hujum qilgan Phemedrone Stealer virusi haqida ma’lum qildi.
Virus Microsoft operatsion tizimining o‘rnatilgan himoyasidagi zaifliklardan foydalanadi. Dastur Windows Defender SmartScreen algoritmlari va tegishli so‘rovlarni chetlab o‘tadi. Foydalanuvchilarga hujum uyushtirish uchun xakerlar internetda alohida veb-sayt yaratadilar va u orqali virus dasturi bilan o‘zaro aloqada bo‘lishadi.
Phemedrone Stealer veb-brauzerlarda, Telegram va Discord messenjerlarida va boshqa manbalarda saqlanadigan maxfiy ma’lumotlarni qidirishi mumkin. Shuningdek, u skrinshotlar olishi va kompyuterga ulangan qurilmalar haqida ma’lumot to‘plashi mumkin.
Microsoft muammodan xabardor. Bundan tashqari, noyabr oyida kompaniya mutaxassislari tuzatuvchi yangilanishni chiqardilar. Biroq xavfsizlik patchi ko‘p shaxsiy kompyuter foydalanuvchilariga yetib bormagan bo‘lishi mumkin.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter