Dunyodagi eng kichik 4K veb-kameraning narxi ma’lum bo‘ldi
Apple va Beats sobiq dizaynerlari asos solgan Opal kompaniyasi Opal Tadpole veb-kamerasini taqdim etdi.
Kichkina, ammo to‘laqonli ushbu 4K-kamera yo‘lga otlanganlar uchun yaxshi vosita.
Kompaniya ishontirishicha, Opal Tadpole shu paytgacha yaratilgan veb-kameralarning eng kichigidir: kattaligi — atigi 1,2 dyuym yoki 3 santimetr (kvadrat shaklida), og‘irligi — 45 gramm.
Veb-kamera noutbukda ishlash uchun moslashtirilgan, ekranga qotirish uchun maxsus qisqichi bor. Kameraning USB-C kabelidan boshqa qurilmalarda ham foydalansa bo‘ladi.
Audio sifati: Opal ma’lumotiga ko‘ra, Tadpole sun’iy intellektli yo‘naltirilgan mikrofonga ega. Ya’ni fondagi shovqinlar va keraksiz tovushlarni filtrlab, “faqat kamera ko‘rib turgan ovozlarni yozadi”.
Narxi — 175 dollar.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter