15 yildan oshgan kompyuterlarda Windows 11 ishlamaydi
Microsoft kompaniyasi eski kompyuterlarda eng yangi operatsion tizimi, ya’ni Windows 11 ishlashini cheklaydi. Bu haqda Windows Central nashri xabar berdi.
Jurnalistlarning tushuntirishicha, navbatdagi global yangilanish (24H2) POPCNT parametrlariga ega bo‘lmagan protsessorlarni chetlab o‘tadi. Mualliflar chiplarning ushbu yashirin xususiyatidan aksariyat kompyuter foydalanuvchilari bexabar ekanini qo‘shimcha qilishgan.
Tushunishimizcha, Microsoft 15 yildan oshgan protsessorlar o‘rnatilgan kompyuterlar uchun yangi operatsion tizimga kirishni cheklamoqda. Masalan, o‘z vaqtida juda ommalashgan Intel Core 2 Duo va AMD Barcelona shunaqa protsessorlar sirasiga kiradi.
“Garchi kompyuterlar funksionalligini yo‘qotmasa hamki, ayrim foydalanuvchilar o‘z qurilmalarini yangilashga majbur bo‘lishadi”, — deb yozdi nashr.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter