15 йилдан ошган компютерларда Windows 11 ишламайди
Microsoft компанияси эски компютерларда энг янги операцион тизими, яъни Windows 11 ишлашини чеклайди. Бу ҳақда Windows Central нашри хабар берди.
Журналистларнинг тушунтиришича, навбатдаги глобал янгиланиш (24H2) POPCNT параметрларига эга бўлмаган процессорларни четлаб ўтади. Муаллифлар чипларнинг ушбу яширин хусусиятидан аксарият компютер фойдаланувчилари бехабар эканини қўшимча қилишган.
Тушунишимизча, Microsoft 15 йилдан ошган процессорлар ўрнатилган компютерлар учун янги операцион тизимга киришни чекламоқда. Масалан, ўз вақтида жуда оммалашган Intel Core 2 Duo ва AMD Barcelona шунақа процессорлар сирасига киради.
“Гарчи компютерлар функционаллигини йўқотмаса ҳамки, айрим фойдаланувчилар ўз қурилмаларини янгилашга мажбур бўлишади”, — деб ёзди нашр.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter