LG g‘ildirakli uy robotini namoyish etdi
LG mashinani o‘rganish texnologiyalari yordamida ishlab chiqilgan uy roboti prototipini taqdim etdi. Qurilma murakkab suhbatlarni olib borishi va aqlli uyni boshqarishi mumkin.
Robot Smart Home AI Agent deb ataladi, ammo keyinchalik kompaniya uni boshqa nom bilan chiqarishi mumkin. Qurilma yanvar oyida bo‘lib o‘tadigan CES 2024 ko‘rgazmasida batafsil muhokama qilinishi kutilmoqda.
U atrof haqida ma’lumot to‘plash uchun kamera, dinamik, mikrofon va sensorlar bilan jihozlangan. Masalan, robot xonadagi harorat, namlik va havo sifatini bilib oladi. Ikki g‘ildirak yordamida harakatlanadi, bu esa uning muvozanatini saqlashga yordam beradi.
Qurilma turli xil harakatlar orqali hissiyotlarni ifodalaydi. U ovoz, tasvirlarni taniydi va tabiiy tilni qayta ishlaydi. Qurilma deyarli har qanday mavzudagi suhbatlarni o‘tkazishi mumkin.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter