ChatGPT tomonidan yozilgan kitobdagi maslahat tufayli qo‘ziqorin teruvchilarning butun oilasi zaharlangan
![ChatGPT tomonidan yozilgan kitobdagi maslahat tufayli qo‘ziqorin teruvchilarning butun oilasi zaharlangan](https://ict.xabar.uz/static/crop/5/5/920__95_554526221.jpg)
Buyuk Britaniyada qo‘ziqorin teruvchilar oilasi ChatGPT yordamida yozilgan kitob tavsiyalariga ko‘ra yig‘ilgan zaharli qo‘ziqorinlardan zaharlanib, kasalxonaga yotqizildi.
Oila boshlig‘i Amazonda topilgan kitobdan illyustratsiyalar va maslahatlarga amal qilganini, unda ko‘plab xavfli xatolar borligini aytdi.
Neyron tarmoqlar tomonidan yozilgan kitoblarning keng tarqalishi tufayli yangi qo‘ziqorin teruvchilar uchun jiddiy tahdid paydo bo‘ldi.
Ushbu kitoblarda ko‘pincha noto‘g‘ri ma’lumotlar, jumladan, "zaharli qo‘ziqorinlarni ta’mi va hidi bilan aniqlash" bo‘yicha tavsiyalar mavjud bo‘lib, bu dahshatli oqibatlarga olib kelishi mumkin.
Guardian jurnalistlari tergov o‘tkazdilar va bunday kitoblar butunlay ChatGPT tomonidan yaratilgan matnlardan iborat bo‘lib, mavzuga mos kelmaydigan g‘ayritabiiy adabiy uslubga ega ekanligini aniqladilar.
Ushbu ko‘ngilsiz voqealar sababli Amazon xavotirga sabab bo‘lgan ba’zi kitoblarni javonlardan olib tashladi, ammo neyron tarmoqlar tomonidan yozilgan past sifatli adabiyotlar muammosi dolzarbligicha qolmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter