AQShning Snap startapi barcha sotilgan Pixy selfi kamerali dronlarini mahsulot sotuvga chiqarilganidan atigi to‘rt oy o‘tgach, batareyalarida yong‘in xavfi bo‘lgani uchun qaytarib olishga majbur bo‘ldi. Gap 70 mingdan ortiq qurilmalar haqida bormoqda. Bu haqda AQSh iste’mol mahsulotlari xavfsizligi bo‘yicha komissiyasi saytida ma’lum qilindi.

Pixy - bu cho‘ntak o‘lchamli kvadrokopter dron, avtoportretlar uchun maxsus ishlab chiqilgan. U cho‘ntagingizga sig‘adi va olinadigan batareya bilan birga og‘irligi 101 gramm. Qurilma smartfonga ulanadi va uni to‘g‘ridan-to‘g‘ri nazorat qilmasdan avtomatik ravishda foydalanuvchining bir nechta suratlarini oladi yoki qisqa videoni yozib oladi. Narxi taxminan 250 dollar.

Barcha uchuvchi kameralarning qaytarilishi bir necha marta shishgan batareyalar, bitta yong‘in va bir kishi yengil jarohat olgan bir hodisa bilan bog‘liq. Dron qaytarilgach, kompaniya foydalanuvchilarga kamida 185 dollar to‘lashni va’da qildi. Shuningdek, mijozlardan Pixy batareyalarini eskirgan akkumulyatorlarni tashlab yubormaslikni so‘rashgan.