Yandex SpeechKit dasturiga o‘zbek tilidagi nutqni tanib olish va sintez qilish imkoniyati qo‘shildi. U qo‘ng‘iroq markazlari va nutq tahlillarini avtomatlashtirishga, shuningdek ovozli yordamchilarni yaratishga yordam beradi.

Nutq sintezi modellari haqiqiy ma’ruzachining ovoziga o‘rgatilgan. Modelga o‘zbekchani o‘rgatish uchun ishlab chiqaruvchilar minglab soatlik audio va ularning transkriptlaridan iborat ma’lumotlar to‘plamini yaratdilar. Neyron tarmoq nafaqat nutqni, balki so‘zdagi tovushning xususiyatlarini ko‘rsatadigan fonemik yozuvni ham sintez qilishi mumkin. Bu murakkab familiyalar va iboralarni talaffuz qilishda yordam beradi.

O‘zbek tilini sintez qilish va tan olish uchun neyron tarmoqlar O‘zbekistonda 20 yildan ortiq vaqtdan beri qo‘llanilayotgan lotin alifbosi bilan ishladi. Yandex SpeechKit o‘zbek tilining o‘ziga xos xususiyatlarini, masalan qattiq va yumshoq "x" tovushini ham hisobga oldi.  

- Hozir O‘zbekistonda sun’iy intellekt, xususan, nutq texnologiyalari bilan bog‘liq ssenariylar faol ishlab chiqilmoqda. Mamlakatdagi nutq texnologiyalari bozori hajmi yiliga 395 million daqiqagacha qayta ishlangan nutqqa yetishi mumkin, - dedi mahsulot direktori Grigoriy Atrepiyev.

O‘zbek tili Yandex SpeechKit dasturida ishga tushgan o‘n oltinchi tildir.