Jorj Meyson universiteti olimlari simulyasiya o‘tkazib, Marsda koloniya yaratish uchun kamida 22 kishi zarurligini aniqladilar.

Mars koloniyasiga taqlidan ishlab chiqilgan model koloniyaning uzoq muddatli va muvaffaqiyatli omon qolishi uchun zarur bo‘lgan odamlar sonini, shuningdek, turli xil qo‘shimcha xususiyatlarni hisobga oldi. Unda kosmonavtlar va Arktika stansiyalarida yashovchilarni o‘rganish jarayonida olingan ma’lumotlardan foydalanilgan. Olimlar stressga chidamlilik, ijtimoiy qobiliyatlar va nevrotiklik kabi xarakter xususiyatlarini hisobga olishga harakat qilishdi.

Turli xil psixologik profilga ega bo‘lgan odamlar o‘rtasidagi o‘zaro ta’sirlar individual darajada modellashtirilgan, shu bilan birga global hodisalar, masalan, baxtsiz hodisalar yoki Yerdan yetkazib berishning kechikishi butun koloniyaga ta’sir qilgan.

Jami beshta simulyasiya o‘tkazildi, ularning har biri turli omillar ostida 28 Yer yilini taqlid qiladi. Ma’lum bo‘lishicha, yoqimli xarakterga ega bo‘lgan odamlar nafaqat bunday missiyadan omon qolishlari, balki koloniyani saqlab qolishga imkon beradigan muvaffaqiyatga erishishlari mumkin. Nevrotik xususiyatga ega bo‘lgan odamlar o‘z missiyalarida muvaffaqiyatsizlikka uchraydi, bu esa boshqalarning hayotiga xavf tug‘dirishi mumkin.