АҚШ олимлари квант компютерни одам каби фикрлашга ўргатишмоқчи
Калифорния университети олимлари IonQ компанияси билан ҳамкорликда квант схемаларида инсоннинг ақлий фаолиятига тақлид қилишни йўлга қўйишди. Якуний мақсад одамларнинг қарор қабул қилиш жараёнларини аниқ такрорловчи сунъий интеллектнинг пайдо бўлишига эришиш, деб ёзди The Quantum Insider.
Инсон тафаккури қандай ишлаши тўлақонли ўрганилмаган. Баъзи маълумотларга кўра, у квант эҳтимоллари қонунларига асосланган бўлиши мумкин. Шундан келиб чиқиб, олимлар тегишли моделларни квант компютерларида кодлашга қарор қилишди.
“Инсоннинг қарорлар қабул қилиш жараёнларини симуляция қиладиган квант компютерларини яратишда генератив сунъий интеллектни ривожлантириш учун катта имкониятлар мавжуд. Бу ишланма юқори ҳаққонийликка эга ҳамда ижодий ёндашувчи мураккаб ва нозик сунъий интеллект тизимларини яратишга имкон беради”, — деди IonQ бош директори Питер Чепмен.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter