Илон Маск бир неча ой ичида телефон рақамидан воз кечишни режалаштираётганини шунингдек, матн, аудио ва видео алоқа учун Х ижтимоий тармоғининг имкониятларидан фойдаланишини айтди. Бу ҳақда бизнесмен платформанинг ўзида маълум қилди.

Х (олдинги Twitter) ижтимоий тармоғини сотиб олиш бўйича келишув ёпилишидан олдин ҳам Маск микроблоглар платформасини Хитойнинг WeChatга ўхшаш супер иловага айлантиришни режалаштирганини айтди. Бир йил ўтиб, илованинг iOS версиясида аудио ва видео алоқа функциялари пайдо бўлди ва яқинда бу имкониятлар Android фойдаланувчилари учун очилди. Бу функциялар ёздан бери синовдан ўтказилди.

Х ижтимоий тармоғида овозли ва видео қўнғироқлардан фойдаланиш учун созламаларда ушбу функцияни ёқишингиз керак. У ерда қўнғироқлар кимдан келиши мумкинлигини ҳам белгилашингиз мумкин: платформанинг барча фойдаланувчилари, обуначилар ва манзиллар китобидаги контактларни танлашингиз мумкин. Фойдаланувчи билан алоқа ўрнатиш учун у билан ёзишмаларни очиш ва ойнанинг юқори ўнг бурчагида — овозли ёки видео орқали алоқа форматини танлашингиз керак.