Буюк Британиянинг Aurrigo компанияси Европада ҳайдовчисиз жамоат транспортини яратишга қаратилган Автоном электр транспорт воситаларининг яшаш лабораторияси ташаббуси доирасида ишлаб чиқилган Auto-Shuttle ҳайдовчисиз автобусини тақдим этди.

Дастлаб, автоматлаштирилган маршрутларда хатолик юзага келса, бошқарувни ўз зиммасига оладиган инсон оператори бўлади. Бироқ, Aurrigo тез орада инсон операторларини олиб ташлашни ва уларни жисмонан автобусда бўлмаган, лекин бирор нарса нотўғри бўлса, ўз зиммасига оладиган масофавий оператор билан алмаштиришни режалаштирмоқда. Бу билан компания йўловчиларга тўлиқ автоном технологияни ишлаб чиққан ҳолда ҳайдовчисиз автобусдан фойдаланишни ўргатмоқчи.

Auto-Shuttle  лазер масофа ўлчагичлардан, шунингдек, Aurrigo томонидан ишлаб чиқилган камера ва дастурлардан фойдаланади. Компания мустаҳкам хавфсизлик тизими устида ишлаётганини айтади.

Ҳозирда Чехия Республикасининг Прага ва Бoрно шаҳарларида, шунингдек, Буюк Британиянинг Милтон Кейнс шаҳарларида Auto-Shuttle автобуслари ишлайди. Келажакда шаҳарлар ва мамлакатлар рўйхати кенгаяди.