BYD Auto Ўзбекистонда BYD Uzbekistan Factory деб номланган завод қурилишига старт берди
Хитойнинг BYD Auto компанияси Ўзбекистонда BYD Uzbekistan Factory деб номланган завод қурилишига старт берди. Бу UzAuto билан қўшма корхона бўлади.
Янги завод Жиззах вилоятида мавжуд бўлган Jizzakh Auto заводи негизида ташкил этилаётгани боис корхона жорий йилнинг кузида иш бошлайди. Завод янги энергия воситаларини (NEV) ишлаб чиқаради, Хитойда гибрид ва электромобиллар шундай деб аталади.
BYD Uzbekistan Factory Хитой электромобил ишлаб чиқарувчисининг Хитойдан ташқаридаги биринчи қўшма корхонаси ҳисобланади.
Дастлабки босқичда BYD Uzbekistan Factory икки русумли: Chazor седани (Destroyer 05) ва Song Plus кроссоверидаги 50 мингдан ортиқ автомобил ишлаб чиқариши мумкин. Булар BYD DM-i тизимига эга гибридлардир.
Келгусида тўлиқ циклда (штамплаш, пайвандлаш, бўяш, йиғиш) автомобиллар ишлаб чиқаришни йўлга қўйиш режалаштирилган. Бу корхонада 2 мингдан ортиқ янги иш ўрни яратиш имконини беради.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter