Хитойда  AI Cockpit Innovation Experience  кўргазмасида Alchemist архитектурасига асосланган янги график карта тақдим этилди.

ARC А760А сунъий интеллект тажрибасини яхшилаш ва юқори сифатли фойдаланувчи тажрибасини таклиф қилиш учун мўлжалланган. Энг қизиқ нарса шундаки, у биринчи навбатда автомобиллар учун яратилган.

У 28 та Хе ядроси, 28 та нурни кузатиш блокига эга ва 448 тагача XMX/Vector Units бирликларини қўллаб-қувватлайди. Оператив хотира 256 битли шина билан 16 ГБ, интерфейси эса PCIe 4.0 x16.

Асосий кучайтириш частотаси тахминан 1953 МГцни ташкил қилади, бу Arc А750 (2,05 ГГц) дан бироз пастроқдир. СИ вазифалари учун график карта 229 TOPSгача ишлашни таъминлайди.

Intelнинг таъкидлашича, А760А унга ААА-ўйинлари ва СИ иловаларини бир вақтнинг ўзида ишлатиш имконини беради. У олтитагача камера киритишини қўллаб-қувватлайди ва 3D рендерлаш билан фойдаланувчи тажрибасини яхшилайди.

Бундан ташқари, график карта HEVC, VP9 ва AV1 каби бир нечта форматларда видеони декодлаш ва кодлаш имкониятига эга.

График карта максимал юкланишда 225 ваттгача қувват сарфлайди ва тўрттагача дисплейга уланиши мумкин.

А760А 2025 йилнинг биринчи чорагида бозорга чиқиши режалаштирилган.